-Ерөнхийлөгч өө, нэг иргэний эзэмших лицензийн тоог хуульчилъя-

“Монголын алт” МАК ХХК-ийн ерөнхийлөгч Б.Ням­тайшир хэмээх эрхмийн гарт Монголын ашигт малтмалын ихэнх лиценз орсон талаарх баримтыг энэ удаа бид өгүүлж байна.

“Монголын алт” компаниа 1993 онд үүсгэн бай­гуулсан цагаасаа үйлд­вэр­лэл, тэр тусмаа уул уур­хай, геологи, хай­гуулын ажилд өөрийгөө бүрэн зо­риул­сан ноён Б.Ням­тайшир Монголын ашигтай гэх бүх баялгийн лицензийг гартаа оруулж эхэлсэн гэж болно.

1994 онд алтны шороон ордыг ашиглах анхны уурхайг зохион байгуулан Төв аймгийн Заамар сумын Их Галтын алтны шороон ордыг ашиглахаар гарч байсан цагаас хойш өдгөө уул уурхайн салбарт 19 жил тас­­ралтгүй үйл ажиллагаа эр­­хэлж буй Б.Нямтайширыг мэр­гэ­жил нэгт нөхөд нь тө­дий­гүй хөрөнгөтний хү­рээнийхэн андахгүй бол­жээ.

Хөрөнгөтнүүд дундаа тол­гой цохиж, эхний аравт зүй ёсоор багтах болсон Б.Ням­тайширын мэдэлд Өмнөговь аймгийн Гурвантэс сум дахь Нарийнсухайт, Хүрэн тол­гойн нүүрсний орд, Мандал-Овоо сум дахь Ахар уул, Баяндалай сум дахь Сэв­­хүүн толгой, Дорноговь айм­­гийн Даланжаргалан сум дахь Алагтогоо, Манж тол­­гой, Замын хөх толгой, Билүүт, Эл­дэвийн уурхай, Төв аймгийн Заамар сум дахь Бум­­­­бат, Ухаа толгой, Баг хай­лаас­тын эх, Баянцагаан сум­ын Үнэгтийн ордууд байдаг гэнэ.

Мөн Ховд аймгийн Булган сумын Сухайт, Говь-Алтай аймгийн Бигэр сумын Сэрх-Уул, Эрдэнэ сумын Дэвэрхийн Цахир уул, Увс аймгийн Завхан сумын Шар толгой, Дундговь аймгийн Даланжаргалан сумын Баргилт гол, Баянжаргалан сумын Хөөт, Жаргалант сумын Бөөрөгийн амны эх, Мандалын голын адаг, Баянхонгор аймгийн Гурванбулаг сумын Өнгөтэйн нуруу, Хөвийн ам, Ихэрийн ам, Галуут сумын Бага далтын нуруу, Хорго уул, Завхан аймгийн Нөмрөг сумын Их хайрхан уул, Дөрвөлжин сумын Хүрэн хамар уул, Сэлэнгэ аймгийн Ерөө сумын Хаданцаа гол гээд л дурдвал тун олон лицензийг Б.Нямтайшир мэдэлдээ авсан юм билээ.

Мэдээж эдгээр лицензийг 1995-2005 он хүртэлх хугацаанд Монголын төр дураараа олгож байсан хугацаанд өөрийн нэр дээр авч, өдгөө ашиглахыг нь ашигласаар яваа юм. Харин 2006 оны 11 дүгээр сард 7149 лицензийн 1411-ийг Үйлдвэр худалдааны сайдын тушаалаар цуцалсан хэдий ч Б.Нямтайшир хэмээх “хоншоор”-той эрхэм өөрийн мэдлийнхээ ордуудыг үлдээж чад­сан болов уу гэж хардаж байна.

Эх орныхоо байгалийн баялгаар хөлжихийн зэрэгцээ салбартаа ч чамгүй амжилт гаргах болсон “МАК” ХХК 2010 онд лав Нарийн сухайтын нүүрсний уурхайгаас 5.4 сая тонн нүүрс олборлон, борлуулсан үзүүлэлтээрээ Монгол Улсын түүхэнд шинэ, дээд рекорд тогтоосон аж.

Алтыг нь авч байгаагаас хойш “МАК” ХХК нийгмийн хариуцлагаа биелүүлэх, татвар төлөлтөөрөө улсдаа тэргүүлэх, ажлын байраа жилээс жилд нэмэгдүүлэх, янз бүрийн буяны ажил хийх зэрэг бусад асуудлыг ч орхигдуулахгүйг хичээж ирсэн байна.

Харин өдгөө “МАК” ХХК-ийн нууц ноёнтон Б.Нямтайшир өөрийн хүү, залуу залгамж болох Н.Номтойбаярыг улстөрд түлхүү бэлтгэх болжээ.

Тусгаар тогтнолын ордонг босгоход нэг тэрбум төгрөг хандивлаж, МАН-ын бусад үйл ажиллагааг идэвхтэй ивээн тэтгэсний үндсэнд хүү Н.Номтойбаярыгаа НХХ-ийн дэд сайд болгож амжлаа гэх шум ч нисэлдэх болсон.

Гэхдээ чадаж байгаа юманд арга алга. Монголын хар, шар алтыг хэдэн сая тонноор нь ухаж, борлуулж буй Б.Нямтайшир цаг наргүй ажилласныхаа хүчинд хоёр сая гаруй хүнийг ардаа хол хаятлаа баяжиж чадлаа.

Магадгүй олон мянган хүнд хувь хүртээж, хувааж болох их хөрөнгийг Б.Ням­тай­ширын гэр бүлийнхэн ганцаарх­наа ид­чихсэн хэдий ч одоо бид цээжээ дэлдээд яах билээ.

Тэгэхдээ 2.7 сая хүндээ тэнц­­вэртэй хандаж, өлс­гөлөн амьдралаас нь салгаж чадахгүй яваа Монгол Улсын төрийн тэргүүн Ц.Элбэгдорж болон Ерөнхий сайд С.Батболд нарт энэхүү ялгавартай, хар цагаан нийгмийн талаар өөрөөр хэлбэл 2002 оноос хойш лиценз авсан хувь хүн, байгууллагын нэрийг “Өглөөний сонин” дуул­гасаар байх болно.

Ганцаараа идсэн гахай тар­гал­даггүй гэдэг шүү дээ. Бас олуулаа идсэн оготно тар­гал­даг гэдэг зүйрлэл ч бий.

Ашигт малтмалын сал­барын хуваарилалт нь үнэ­хээр шударга биш байгааг эр­хэм түшээд анхаарч, цэгц­лэх цаг хэдийнэ болжээ.

Үргэлжлэл бий

OLLOO