Бөхөд дургүй, бөхөө дэмждэггүй монгол хүн гэж хаана байх вэ. «Номин талст» хамтлагийн дуучин Т.Дэлгэрмөрөн ч ялгаагүй. Тэрбээр үзүүр, түрүүний бөх үлдээд байхад Увсын нэг  найзтайгаа улсын арслан Х.Мөнхбаатарыг түрүүлнэ гэж 500 мянган төгрөгөөр бооцоо тавьж харагдав. Хөвсгөл нутгийн унаган хүү, Хөвсгөлийн хүчтэнүүдээ дэмжихээс ч яах вэ. Гэтэл Увс аймгийн залуу аварга түрүүлснээр Дээгий бооцоогоо алдсан юм.

Ийнхүү «Баясгалан» хэмээх усан луу жилийн Цагаан сарын барилдаан тун өнгөлөг болж, Увс аймгийн Баруунтуруун сумын харьяат залуу аварга С.Мөнхбат түрүүлсэн бол Хөвсгөл аймгийн Шинэ-Идэр сумын харьяат, «Энержи ресурс» компанийн бөх, улсын арслан Х.Мөнхбаатар үзүүрлэн, улсын харцага Ц.Содномдорж, улсын начин Б.Сангисүрэн нар шөвгөрлөө.