УИХ дахь хөрөнгөтнүүдийн нэг байсан “АПУ” Г.Батхүү хаана явна вэ. Өнгөрөгч 2016 оны УИХ-ын сонгуулиар өвдөг шороодсон цагаасаа хойш сураг тасарлаа. 2016 онд ч гэж дээ, 2012 онд л өвдөг шороодсон ч их мөнгөөр ялалтыг гуядаад авчихсан нөхөр гэдэг биз дээ. Энэ тухайд МАН-аас УИХ-д суугаа С.Чинзориг болон нэр дэвшиж асан Н.Төмөрхүү нар хэвлэл мэдээллээр хэдэн жил ярьсан болохоор бидний ой тойнд сайтар үлджээ.

Тэрбээр 2012 оны сонгууль угтаж буюу 2012 оны дөрөвдүгээр сарын 24-ний өдрөөс эхлэн өөрийн бие төлөөлөгч Махбариад, Төмөрням, Пунсалмаа, Доржпалам нараар дамжуулан Өвөрхангай аймгийн 19 суманд хууль бусаар нийт 560 иргэнд мөнгө тараасан. Энэ нь нийтдээ 168.000.000 орчим төгрөг болно гэсэн мэдээлэл бий. Нөгөө талаар тухайн цагт МАН-аас нэр дэвшигч Д.Чинзориг, Н.Төмөрхүү нар Г.Батхүү Д.Зоригт нараас 1500-3000 хүний санал илүү авчихсан байхад шүүхээр зарга хийж, их мөнгөний аргаар тэднийг буруутгаж чадснаар тэр УИХ-д ороод ирсэн. Тэр УИХ-д орж ирлээ гээд ямар ч гавьяа байгуулаагүй. Өөрийнхөө бизнесийг л хамгаалсан байх. Ерөөсөө өнгөрөгч хугацаанд тэрбээр Монгол Улсад юу хийсэн бэ гэж асуух хүн гарч таарна. Тэгвэл архи үйлдвэрлэж монголчуудаа хордуулсан л гэх байх.

Ямартай ч “АПУ”-гийн шошготой архи дэлгүүр бар ресторан гээд бүхий л газраар дүүрэн байгаагаас гадна үйлчлүүлэгч олонтойг харвал түүний бизнес сайн байгаа бололтой. Тэрбээр ганц мөнгөнийх нь эх үүсвэр болсон “АПУ” компаниараа цоллуулах тун дургүй. Тиймээс өөрийнхөө нэр дээрээс зайлуулж өөр хүний нэр дээр компаниа бүртгүүлсэн гэдэг. Гэсэн хэдий ч Г.Батхүүгийн юм л бол Г.Батхүүгийн л юм шүү дээ. Тиймээс тэр өдгөө хийх ажилгүй болохоор монголчуудаа хордуулах үйлсэдээ хүчин зүтгэж явна уу, эсвэл өөр нэгэн ажил хийж явна уу гэдэг нь хэний ч сонирхлыг татаж таарна.

Х.Баатар

Шуурхай.мн