Хонгконк улсад туялзуур сэлэмний насанд хүрэгчдийн Азийн АШТ болж байна. Тус тэмцээнд Монголын туялзуур сэлэмний холбооны ерөнхийлөгч Г.Дашням, дэд ерөнхийлөгч С.Дэмчиг нарын удирдлага дор манай зургаан тамирчин тулалдаж байгаа. Өнөөдөр манай сэлэмчдээс Б.Амарболд Вьетнамын тамирчныг 5:4-өөр дийлсэн бол Э.Дөлгөөн БНХАУ-ын тамирчныг 5:3-аар ялав. Энэ удаагийн тэмцээний эрэгтэйчүүдийн ангилалд Ц.Жигжидсүрэн, Э.Дөлгөөн, Б.Амарболд нар оролцож байгаа бол эмэгтэйчүүдэд Б.Цолмон, О.Анударь, Г.Халиунаа нар өрсөлдөж байна. Тэд хэдхэн хоногийн өмнө болсон Монголын туялзуур сэлэмний холбооны хаврын сүүлчийн тэмцээнээс тивийн аваргад оролцох эрхээ авсан юм.