Охидын зүрх сэтгэлийг булааж дуу бүр нь одоо ч хит болсоор байгаа “Киви” хамтлагийн гишүүн гэгдэж явсан Б.Халиун сүүлийн үед шоу нэвтрүүлгээр дамжуулж урлагт эргэн ирсэнээ зарлаад буй. Хамтлагаасаа өрх тусгаарласан даруйдаа гэр бүлийнхээ хүнтэй хамтдаа уран бүтээлүүд туурвих болсоноор Анхаа Халиун гэх нэрс үргэлжийн хамтдаа орших болсон. Хосууд уран бүтээлээсээ хөндийрч хувийн амьдралдаа анхаарах болсоноор өдгөө гурван хүүгийн аав ээж болцгоож өнөр өтгөн аз жаргалтай гэр бүл болжээ. Дархан бэр гэх эрхэм алдрыг нь ах дүү хамаатан садан нь ихэд хүндэтгэдэг тухай дуучин бүсгүй маань шоуны явцад хуучилж байсан билээ. Зөвхөн сайн ээж, халамжит гэргий гэдгээр нь бус чадварлаг уран бүтээлч гэдгээ олонд таниулахыг хичээж буй Б.Халиуны хоолойны цар хүрээг шүүгчид хийгээд үзэгчид ч магтан сайшааж байгаа юм. Амьдрал дээр ч , цахим сүлжээнд ч эгэл даруухан байдаг бүсгүй энэ удаад гурван сайхан хүү, халамжит ханиараа гангарчээ.

Эх сурвалж:Шуурхай.мн