Хотын дарга асан Э.Бат-Үүл Ерөнхийлөгчийн сонгуулийг бойкотлох хэрэгтэй гэж мэдэгдсэн. Тэрбээр хэлэхдээ “Төр нь авлигын машин болчихсон ийм үед нэг хүнд эрх мэдлийг шилжүүлбэл энэ улс орныг сүйрүүлнэ гэсэн үг. Ерөнхийлөгчийн, эсвэл Ерөнхий сайдын засаглалтай байж болно л доо. Гэхдээ төр нь шударга байж тэр үед улс орон нь хөгждөг. Яг Сингапур шиг. Манайх шиг төр нь өөрөө авлигыг үйлдвэрлэдэг болчихсон ийм үед эрх мэдэл нэг хүний гарт очвол тэр хүний гэр бүл л Назарбаев шиг дэлхийн тэрбумтны тоонд жагсана. Ийм дарангуйлал тогтох гэж байгаа үед АН-ыг нураах нь аюул. МАН-тай сөрж чадах ганцхан л улс төрийн хүчин байна шүү дээ, Монголд. Сайн ч бай, муу ч бай АН л үүнийг хийнэ. Та нар хар л даа, нөгөө олон жижиг намууд, гурав дахь хүчин хаачсан бэ. Нэг нь ч байхгүй байгаа биз дээ. АН засгийн эрхэнд гараад ирэхээр л гуравдагч хүчин гараад ирдэг. МАН гараад ирэхээр алга болчихдог. АН тарчихсаны дараа МАН тэр дарангуйлал руугаа явахад хэн ч зогсоож чадахгүй. Ер нь бол олигархийн тогтолцоо өөрөө өөрийгөө бөхөөхийн өмнөх бадамлалт дээрээ хүрч байна” хэмээн хэлж байна.

Эх сурвалж: Шуурхай.мн