ОУВС-гаас  эрх баригчдад ирүүлсэн  албан захиандаа хөрөнгө оруулагчдын гадаад валютын гүйлгээнд тавьж буй шинэ шаардлага хөтөлбөрийн макро тооцоололд үзүүлэх нөлөөллийн талаар илүү сайн ойлголт авах зорилгоор  хэлэлцэх асуудлыг хойшлууллаа гэсэн үг дайжээ. Д.Хаянхярваа гишүүн хэлэхдээ  “ОУВС-гийн зүгээс үзэж байгаа юм бол Монголын банк санхүүгийн систем их хэмжээний гүйлгээг дамжуулаад явуулах боломж нь ямар байна вэ гэдгийг тодруулах ёстой гэсэн санаа байна гэж ойлгосон. Нэгэнт ОУВС-тай хөтөлбөрт орно гээд тохиролцоод явж байгаагийн хувьд ОУВС-д орох нөхцөлүүдээ хангах ёстой гэдэг дээр бүлэг 100 хувь санал нэгдэж байгаа.

“Рио Тинто”-гийн зүгээс Тогтвортой байдлын гэрээнд зааснаа зөрчсөн гэж үзэж байгаа. Тогтвортой байдлын гэрээ, сая УИХ-аас баталсан тогтоол хоёр зөрчилдөж байгаа юм. Гэхдээ бид ОУВС-гийн хөтөлбөртэй холбоотой асуудлаар энэ долоо хоногтоо багтаан шийдвэрээ гаргана. Яагаад гэвэл манай санхүү эдийн засгийн нөхцөл байдал амаргүй байгаа учраас зарчмын асуудлаа тохирсон атлаа тодорхой жижиг асуудал дээр удаан хугацаагаар ОУВС дээр үл ойлголцолтой явахгүй байх ёстой гэж үзсэн.” хэмээн ярьжээ. Тэгэхээр эрх баригчид ерөнхийдөө буулт хийжээ.

Эх сурвалж: Шуурхай.мн