Олны анхаарлыг ихээр татаж буй асуудлуудын нэг бол Ерөнхийлөгчийн сонгууль. УИХ-д ганц суудалтай МАХН уур амьсгалыг хааш нь эргүүлэх бол гэсэн асуулт хариулт нэхэж буй. Тэгвэл МАХН-ын гишүүн Ж.Сүхбаатар news.mn сайтад өгсөн ярилцлагадаа “МАХН ямартай ч одоогоор “хөзөр” атгаж байгаа гэж бодож байна. Тэхдээ МАХН-д том зовлон бий. Намын бодлого, үйл ажиллагаа намын гадна талаас оролцож нөлөөлөх гэдэг, үүндээ хүчээр хүрдэг улс төрийн албан тушаалтнууд, бүлэглэл дунд явж ирсэн. Намын удирдагч нь сонгуульд оролцох эсэхийг гадна талаас нөлөөтэй шийдэгддэг зовлонтой. УИХ-ын гишүүн О.Баасанхүү Ерөнхийлөгчийн сонгуулийн талаарх байр сууриа хэвлэл мэдээллээр илэрхийлсэн байна лээ. Гэхдээ МАХН дангаар уу, хамтарч орох уу гэдэг бодлогоо гаргахын тулд МАН, АН-тай өөрсдөө санаачлаад ажлын хэсэг байгуулаад яриа хэлэлцээ хийх хэрэгтэй байх. Өмнөх сонгуулиас авсан сургамж туршлага бий шүү дээ (инээв). Энэ бол миний хувийн байр суурь” гэжээ. Дангаараа оролцох тухайд “Н.Энхбаяр дарга эс бөгөөс эрэмбээрээ УИХ-ын гишүүн асан Ц.Оюунбаатар, Ц.Шаравдорж хуульч нар гээд цаашилбал дэмжигч ойр байдаг МАН-ын ард түмэндээ зүстэй улсаа гэсэн гишүүнд ч санал тавьж болно шд. Миний бодоход хөдөлмөрийн баатар Р.Раш,  шилдэг дипломатч Л.Эрдэнэчулуун зэрэг мундаг хүмүүсийг дэвшүүлж яагаад болохгүй гэж. Улсынхаа хүний нөөцийг тольдож харвал намаараа хязгаарлах хэрэггүй.” хэмээн ярьжээ.

Эх сурвалж: Шуурхай.мн