“Боолын гэрээ”, “Орхидос-1, 2” кинонуудад тоглож олны танил болсон жүжигчин Г.Отгонцэцэгийг ирээдүйн их мастеруудын нэг хэмээн театрынхан нь үнэлдэг юм билээ. Оюутан ахуй цагаасаа “Хувьсал” продакшны өнгө төрх болж явсан тэрээр ихэнхдээ эсрэг дүр бүтээдэг. Жүжигчин хүн үзэсгэлэнт гүнжээс үзээрийн муухай шулмын дүрд ч хувирч чаддаг байх ёстой хэмээн ярьдаг тэрээр “Орихдос” кинонд бүтээсэн хойд эхийн дүрээрээ олон хүний эгдүйцлийг төрүүлсэн. Ихэнх хүн түүнийг уг дүрээр нь төсөөлдөг гэхэд ч болно. Харин жүжигчин бүсгүйн хувьд энэ дүрийг бүтээхэд маш хэцүү байсан бөгөөд зарим тохиолдол сэтгэлээр унаж, уйлж байсан удаа ч бий гэнэ лээ. Түүнчлэн хүний сэтгэхүйд асар хүчтэй нөлөөлөхүйц энэ дүрийг бүтээхэд түүний бие сэтгэл ядаргаанд ороод зогсоогүй нүд нь хүртэл юм харахаа больж байсан аж. Тиймээс Г.Отгонцэцэгийн хувьд үргэлж эсрэг дүр бүтээхээс зайлсхийх болсон бөгөөд сүүлийн үед кинонд тоглохгүй байгаа нь ч үүнтэй холбоотой гэнэ.

Н.Хувьзаяа www.secret.mn