Тавантолгойн цэргийн ангид болсон хэрэг явдлын талаар  ЗХЖШ-ын  орлогч дарга, хошууч генерал Ж.Бадамбазар мэдээлэл хийлээ.  2017 оны дөрөвдүгээр сарын 11-ний өдөр  17:40 минутын орчимд байлдааны сургуулилалт хийж байх явцад байлдааны гранат тэсэрч хоёр цэрэг амь эрсдэж, 8 цэрэг шархадсан осол гарсан.  Амиа алдсан 355-р ангийн ахлагч Б.Мөнгөншагай, ахлагч Б.Ариунболд нарын ар гэр, төрөл төрөгсдөд зэвсэгт хүчний бие бүрэлдэхүүний өмнөөс эмгэнэл илэрхийлж байна.

Зэвсэгт хүчний хэмжээнд хавар, намрын улиралд сургуулилалт шалгалт явуулдаг. Төлөвлөгөөний дагуу цэргийн ангиуд бэлтгэл сургуулилалтаа хийдэг үе тохиож байгаа. Гранат шидэх бэлтгэл хангах явцад тэсрэлт болсон. Ослын талаарх мэдээллийг ЗХЖШ-аас 17:40 минутын орчим хүлээн авсан. Хууль хяналтын байгууллагуудаар ослын шалтгааныг шалгуулж байна.

Амиа алдсан ахмад Батсуурийн Мөнгөншагай нь  1987 онд Төв аймгийн Баян суманд төрсөн. Эхнэр хүүгийн хамт амьдардаг.  Батлан хамгаалах их сургуулийн Зэвсгийн албаны  офицер мэргэжлээр төгссөн, Зэвсэгт хүчний хэд хэдэн ангид алба хаасан. Афганистан,  өмнөд Судан улсад энхийг сахиулах алба хаасан, офицер цолтой. Бэлтгэл сургуулилтын бэлтгэлийг ахалж ажиллаж байжээ.

Харин ахлагч Баасанболдын Аринболд нь  1993 онд Баян-Өлгий аймгийн Буянт суманд төрсөн, эхнэр хүүгийн хамт амьдардаг.  Мэргэжлийн ахлагч бэлтгэх  төвд  2012 онд суралцаж төгсөөд 350-р ангид алба хааж байсан. Бүгд найрамдах өмнөд Судан улсад энхийг сахиулах  алба хаасан цэргийн алба хаагч байсан байна.

 Ослын шалтгааныг хууль хяналтынхан тодруулж, дүгнэлт гарсны дараа хэрвээ буруутай бол ЗХЖШ-ын удирдлагууд  хариуцлагаа хүлээнэ.” гэлээ.

Эх сурвалж: Шуурхай.мн