Ерөнхийлөгчийн сонгууль хаяанд ирлээ. Өвдөг шороодсон АН энэ удаа намын дотоод сунгаагаараа нэр дэвшигчээ нэлээн сайн ярилцаж байж, тодруулах нь тэдний нийтлэг эрх ашигт тустай л даа. Хэрэвзээ нисээд эхэлсэн бор шувууг газарт буулгаж, З.Энхболдыг С.Эрдэнэ балиашиглавал АН-ын маргааш хортой зүйл болж мэднэ. МАН ялалт байгуулсан эрчээрээ Ерөнхийлөгчийн суудлыг авна гэсэн итгэлтэй байгаа энэ үед АН-ынхан холыг харж нэр дэвшигчээ тодруулж байж л, өрсөлдөөн жинхэнэ утгаараа явагдана. Сүүлийн байдлаар АН-ын нэр дэвшигчдийн тоо Д.Дорлигжаваар бүл нэмлээ. Тэгэхээр Н.Алтанхуяг, Р.Амаржаргал, Э.Бат-Үүл, Г.Батхүү, Л.Болд , З.Энхболд гээд улстөрд өнгөрсөн олон жилүүдэд орон зайтай явж ирсэн хүмүүс дотоод сунгаанд өрсөлдөхөөр болж байна.  Эдгээр хүмүүсээс ард түмэнд хэн илүү таалагдах вэ гэдэг нь чухал л даа. Ард түмний эв нэгдлийг илэрхийлэгч Ерөнхийлөгчийн суудалд АН-аас өрсөлдөхөөр нэрээ өгөөд байгаа эдгээр хүмүүс бүгд л нам дотроо фракц, эрх ашгийн асуудалтай хүмүүс байгаа нь үнэн. Түүнчлэн  Ерөнхийлөгчийн сонгуульд АН ялалт авъя гэвэл фракцийн зөрчлөө, дарж тоглох нь зөв нүүдэл болох биз ээ.

Эх сурвалж: Шуурхай.мн