Шинэ үе, Мөрөөдлийн театр зэрэг хошин урлагийн продакшнуудад харъалагдаж байсан жүжигчин Батушка буюу Т.Баттулга сүүлийн үеүдэд тайз биш дэлгэцийн түвшинд хүчээ сорьж явна. Хамгийн сүүлд “Учрал” киноны гол дүрийг бүтээгээд байсан залуу ээлжит нэгэн уран бүтээлээрээ үзэгч түмэнтэйгээ уулзахад бэлэн болжээ. Үргэлжийн нэг дүр төрх, хэв маягаасаа залхсан уу? эсвэл киноны уран бүтээлчдийн санаа юу? ямартайч жүжигчин залуу маань шинэ уран бүтээлдээ зориулж Рэгги стилийг сонгожээ. Рэгги урсгалын тухай товч дурдахад 1960-аад оны эхэн үед Карибын арлын Ямайка улсад үүссэн энэ урсгалын хамгийн алдартай төлөөлөгч болох Боб Марлигаар уншигчид андахгүй. Улаан, шар, ногоон өнгийн хослол, ширэлдсэн мэт урт үс бол тэдний бэлэг тэмдэг гэлтэй. Харин өнөө үед бол хүссэн нь үсээ ургуулан сүлжиж, төрөл бүрийн л дуу хөгжим сонирхох болсон цаг. Тэгвэл “Төгс бүсгүйн зууч” нэртэй УСК дэлгэцэнд шинээр мэндлэх гэж байгаа бөгөөд дуучин Баярцэнгэл, жүжигчин Онон, Батушка нар гол дүрд нь тоглох гэнэ.

Эх сурвалж:Шуурхай.мн