Шуурхай.мн | О.Баасанхүү намаасаа гарвал МАХН-ын дарга Н.Энхбаярын бүх төлөвлөгөө “нуран унана”

Apr 6, 2017 7 comments

О.Баасанхүү намаасаа гарвал МАХН-ын дарга Н.Энхбаярын бүх төлөвлөгөө “нуран унана”

нийтлэсэн Admin

Монгол Улсын Ерөнхийлөгч асан, МАХН-ын дарга Н.Энхбаяр он гарснаас хойш улс төрийн үйл ажиллагаагаа үлэмж эрчимжүүлж байна. Тодруулбал тус намынхан боловсруулсан Бүгд Найрамдах Монгол Улсын Дээд хууль буюу шинэ үндсэн хуулийн төслөө танилцуулна гэх нэрийдлээр тэрээр МАХН-ын бусад төлөөлөгчдийн хамт хөдөө орон нутаг, Нийслэлийн дүүргүүдэд иргэдтэй тогтмол уулзалт хийж явна. Энэ бүхний ард түүнийг Ерөнхийлөгч Ц.Элбэгдоржтой тохиролцон, өөрийн сонгогдох эрхийг хуулийн хүрээнд авсан, Монгол Улсын Ерөнхийлөгчийн 2017 оны сонгуульд МАХН-аасаа нэр дэвшинэ гэх яриа улс төрийн хүрээнд хүчтэй яригдаж буй.

Энэ нь бүтэлгүйтсэн ч МАН-тай тохиролцон, Ерөнхийлөгчид АН-аас нэр дэвшигчийн саналыг хуваахуйц хүн дэвшүүлэх, эсвэл бүр МАН, МАХН-ын эвсэл болж, МАН-аас Ерөнхийлөгчид нэр дэвших хувилбар байгаа тул ийн улс төрийн үйл ажиллагаагаа эрчимжүүлсэн гэх дүгнэлт ч бий. Н.Энхбаярын хариу шаардлага нэн тодорхой. Элдэв хэрэг, төвгөөс салж, хуулийн ямар нэгэн хязгаарлалтгүй болох мөн эрх мэдэл, албан тушаал. Гэхдээ түүний дэглэсэн тоглолтоор явахгүй байх нь зөв гэж МАН, АН-ын удирдлагууд аль аль нь үзэж эхэлсэн талаар эх сурвалжууд өгүүлж байна. Энэ нь УИХ-ын гишүүн О.Баасанхүү намаасаа гарч, МАХН-ыг Монгол Улсын Ерөнхийлөгчийн 2017 оны сонгуульд оролцох хуулийн боломжгүй болгох явдал юм.

2016 оны сүүлээр “АН-д орсон нь зөв гэж бодогдох юм” хэмээн Twitter хуудсандаа бичиж байсан УИХ-ын гишүүн О.Баасанхүү сүүлийн үед МАХН-тай уялдаа холбоотой ажиллахгүй болсон төдийгүй намынхаа хуралд ч суухаа больсон тухай УИХ-ын гишүүн З.Баянсэлэнгэ баталсан билээ. Сонгуулийн тухай хуульд УИХ-д суудал бүхий нам Монгол Улсын Ерөнхийлөгчийн нэр дэвшүүлж болно гэсэн заалт бий. Н.Энхбаяр даргатай МАХН нь парламентад О.Баасанхүү гэсэн ганцхан төлөөлөлтэй билээ.

П.Энхмандах

Эх сурвалж: Sonin.mn

Anonymous (April 06, 2017 3:56:07 pm )

Баасанхүү гишүүнээ намынхан чинь төныг Баасны хүү гээд инээлдэж байна лээ шүү. Намаас нь гараад наад хулгайчаа Баас болгооч

Anonymous (April 06, 2017 3:57:30 pm )

Баасанхүү гишүүнээ намынхан чинь таныг Баасны хүү гээд инээлдэж байна лээ шүү. Намаас нь гараад наад хулгайчаа Баас болгооч

Жагаа (April 06, 2017 4:57:53 pm )

Намын нэрээр сонгуульд оролцож ялсан бол сонгуулийн бурэн эрхийн хугацаанд намаа сольж болохгуйг хуульчилмаар. Намын гишуун дэмжигчид, иргэдээс саналыг нь авчихаад хувийн нэр хундээрэээ гарчихсан мэт тугжилддэг урвагчдыг тугжих хэрэгтэй. Дандаа шантаж хийнэ.

зочин (April 06, 2017 5:38:52 pm )

Бусад намаас ерөнхийлэгчид нэр дэвшүүлэхгүй гээд хязгаарлаад байгаа нь ард түмний сонголтыг бас хязгаарлаад байгаа юм даа .

nyamaa (April 07, 2017 4:01:41 pm )

baasanxvv tiim yum xiix xvn bshee gishvvndee amjilt xvsie

Говийн өвгөн (April 07, 2017 7:54:05 pm )

Baasanhuu gishuun tiim yum hiih hun bish. Ard tumen MAHN iig ih demjdeg , ter utgaaraa gishuun maani MAHN iin nuur tsarai bolj teleelel tug ni bolj yawdag yum

Монгол. (April 08, 2017 12:35:11 pm )

Баасанхүү эрх биш Н.Энхбаярын азаргалах үйлдлээс залхаа биз дээ. Н.Энхбаяр Баасанхүүг ашиглачихаад дараа нь шийлэгдамбыг шоронд илгээсэнтэйгээ адилхан болгоно байхаа.