Өнгөрсөн бямба гаригт Төв аймгийн Өндөрширээт сумын Хайрхан II багийн нутагт иргэн Б-ийн гэрийг тус сумын III багийн малчин 57 настай, эрэгтэй Р нь “Nissan family” автомашинаар дайрсны улмаас гэрт байсан гурван хүн гэмтэж, 43 настай эрэгтэй Х, таван настай эрэгтэй О нар газар дээрээ нас баржээ. Уг осол Өндөрширээт сумаас 15 км-ийн зайтай газарт өдөр 13.00 цагийн үед гарчээ. Албаны эх сурвалжийн мэдээлснээр, жолооч Р согтууруулах ундааны зүйл хэрэглэсэн үедээ машин жолоодож яваад ийнхүү ноцтой осол гаргасан бөгөөд өдгөө түүнийг цагдан хорьж хэргийг тус аймгийн цагдаагийн хэлтэст шалгаж байгаа гэнэ.Малчин Б-гийнх машин замтай ойрхон бөгөөд осол гаргасан жолоочийн хэлж буйгаар, тэрбээр замаар гэр рүүгээ явж байгаад айл харагдахаар нь тэдний зүг жолоо дарсан аж. Гэвч өөрийгөө хянах чадваргүй болтлоо согтсон тэрбээр тооромзоо барьж чадалгүй ийм осол гаргасан талаараа цагдаагийн байгууллагад мэдүүлжээ.Ийнхүү хар усны балгаар малчин Б-гийнх таван настай хүүгээ алдаж, тэднийд ямаа самнаж туслалцахаар эхнэртэйгээ ирсэн 43 настай эр амь насаа алдсан харамсалтай хэрэг гарчээ. Жолооч Р нь хэрэг гарах үедсогтууруулах ундааны зүйл хэрэглэсэн байжээ. Одоогоор хэргийг тус аймгийн цагдаагийн хэлтэст шалгаж байна.