Эрдэнэт дөрвөн хүний алтан амийг аварсан дүүргийн Цагдаагийн II хэлтсийн эрүүгийн төлөөлөгч, цагдаагийн дэслэгч Г.Ганбаяр МУЗН-ээс гавъяат үйлсийг нь сайшаан өгсөн таван ханатай гэрээ 25-р хорооны амьдралын боломж тааруухан Х.Мандах гэх өндөр настанд бэлэглэжээ.Энэ баярт үйл явдлыг Цагдаагийн II хэлтсийн дарга хурандаа А.Бакыт, Монголын Цагдаагийн “Сүлд” чуулгын дарга Л.Гаваасүрэн гуай, 25 дугаар хорооны Засаг дарга, ИНХ-ын дарга нар хуваалцсан байна. Мандах хөгшнийг 25 дугаар хорооныхон анддаггүй аж. Тэрбээр  хөл муутай ч нийгмийн идэвхи маш сайтай, хорооны хамаг л хогийг цэвэрлэж явдаг сайхан сэтгэлтэй нэгэн. Харин Г.Ганбаярыг Сонгинохайрхан дүүргийн ИТХ-ын хүндэт тэмдэгээр шагнажээ.