“Ард түмний онц түр зөвлөл” ТББ-ийн санаачилгаар “Оффшорчдын эсрэг” жагсаалыг яг одоо Сүхбаатарын талбайд зохион байгуулж байна. Энэ удаагийн жагсаал нь “Оффшорд байгаа 17 тэрбум долларыг эх орондоо авчиръя” гэх уриатай бөгөөд өнөөдөр 16 цаг хүртэл үргэлжилнэ. Сүхбаатарын тайлбайг дүүргэсэн ард иргэд  “Бүгд л завгүй, эх орондоо зав гарга”, “Нэгдэл бол хамгийн сайн тэмцэл”, “С.Баярыг эргүүлэн татая” гэх мэт уриа лоозон барьж идэвхтэй оролцож байна. Зөвхөн Улаанбаатар хотод биш Сүхбаатар, Увс, Хөвсгөл, Дархан, Эрдэнэт, Дорноговь зэрэг аймгууд ч мөн нэгдэж өөрсдийн амьдарч буй газар нутагтаа тайван жагсаал хийж байгаа юм. Мөн Англи, Белги, Швейцарь, Япон, Солонгос, Унгар, АНУ зэрэг дэлхийн өнцөг булан бүрт суугаа Монгол түмэн жагсаалд дуу хоолойгоо нэгтгэж улс эх орныхоо төлөө тэмцлээ. Хамгийн чухал асуудал бол Английн парламент хэлэлцэх үеэр Монголын оффшорчдын эсрэг асуудал хөндүүлэхийн тулд иргэдээс интернэт санал асуулга буюу, электрон гарын үсэг цуглуулсанаар С.Баяр болоод Монголын оффшорчдын эсрэг хүчтэй тэмцэх боломжтой болох юм байна.

Эх сурвалж: Шуурхай.мн