Сонгуульд ялсан нь ялсан баатрын дүрд хэт итгэн ноёлж, ялагдсан нь ч бас үргэлж ялах ёстой юм шиг загнасаар өдийг хүрлээ. Гол нь сонгуульдаж тоглож байх зуур улс орны амьдрал урагшлалгүй, иргэд илүү их ачааг үүрч дүүрч байгаа юм. Тэгвэл МХТН-ын дарга Х.Бат-Ялалт өөрийн сошиал хуудаснаа “АН ялагдаж АН-ын тэмцэгчид ажилдаа орж, АН-ын талын хэвлэлүүд шударга ёсны дуу хоолой болж, АН-ын эх орончид хэлмэгдэж эхэллээ… АН-ыхан эрх барьж байхад эсрэгээрээ байсан сан. Ер нь ингэхэд Монголынхоо төлөө, эх орныхоо төлөө тэмцэгчид хаана байна? Байвал бидэнтэй холбогдоорой. Элдэв талцлыг устгаж нам харгалзалгүй хариуцлага тооцохыг шаардъя!!!” хэмээн бичжээ. Нээрээ л Монголчууд хангалттай талцсан, намд хуваагдсан. Шударга ёсны төлөө жинхэнээсээ тэмцдэггүй нам нэртэй олигархиудын бүлэглэл Монголд сайн сайхныг авчрахгүй билээ. Тиймээс л талцалгүйгээр, хариуцлагатай Монголын төлөө тэмцэх ёстой харагдаж буй юм.

Эх сурвалж: Шуурхай.мн