Хууль зүйн сайд асан Х.Тэмүүжин “Агуулга сайтай ажил хийж чадахаа байхаараа  хэлбэрдэлт их болдог. МАН-ыхны Хууль хүлээн авах ёслол, манайхны нэр дэвших үнэмлэх гардах ёслол!” хэмээн жиргэжээ. Үнэхээр ч экс сайдын хэлсэнчлэн хэлбэрдэлт хаа сайгүй газар авчээ.

Цагдаагийн албаны тухай хуулийн эх бичвэрийг хүлээн авах үйл ажиллагаа  Сүхбаатарын талбайд ёслол төгөлдөр болж харагдана лээ. Гэвч хуулийг шилэн хоргонд залснаар  шударга ёс тогтдог бол хянан шийдвэрлэх тухай бүх хуулиа эхээр нь жаазлаад, тухайн байгууллага бүрт өгмөөр санаа байна гэж хэлэх ч хуульч байгаа юм. За харин Хууль зүйн яамнаас мэдээлэхдээ бол уг үйлдлээ  “Хууль тогтоомжийн тухай хуулийг хэрэгжүүлэх хүрээнд шинээр батлагдан гарч буй хуулийн эхийг хууль хэрэгжүүлэгчид нь гардуулан өгч нийт олны хүртээл болгох, нэг мөр хэрэгжүүлэх ажлыг эхлүүлдэг сайн жишиг тогтож байгаа юм” гэж тодотгожээ.

Үнэхээр хуулийг ингэж хүлээлгэн өгөхөөр хууль яг таг хэрэгжчихдэг бол сайхан л даа. Гэвч хуулийн хэрэгжилт Монголд  эрх тэгш биш байгаад асуудал байна гэдгийг эрхэм улстөрчид маань мэдэж буй болов уу.

Эх сурвалж: Шуурхай.мн