Улсынхаа нэр хүндийг дэлхийн тавцанд цуурайтуулах заяатай төрсөн дуучин Г.Ариунбаатарын чадварлаг хоолой, хичээл зүтгэл түүнд 23-хан насанд нь МУГЖ хэмээх цолыг авчирсан. Төр түүнийг хоолойг үнэлж Монгол Улсын төрийн дээд шагнал “Чингис хаан” одонг 2016 онд гардуулсанаар МУГЖ Г.Ариунбаатар Чингис хааны одонт арав дахь тэр дундаа хамгийн залуу хүнээр тодорсон юм. Урлагийн зам нь эхэлсэн шигээ дардан зурайж яваа түүний хувийн амьдрал үргэлж олны анхааралд өртөж байдаг билээ.  Дуучин Г.Отгонжаргалтай нэгэн үе нэр холбогдож явсан хоёрын харилцаа төд удалгүй өндөрлөж эхнэр З.Туяатайгаа хамтын амьдралаа үргэлжлүүлж бяцхан үрээ бодсон цаг саяхан гэлтэй.

Гэтэл дахин нэг сенсацид өртөөд амжсан нь сошиал ангуучдын бай болов. Дуучин залуу дараагийн ханьлах хүнээрээ олны хайрыг татсан залуу жүжигчин Б.Баярмааг сонгожээ.

Гурван сайхан охины ээж гэдгээс нь өөр хэл ам татлах, бусдын сонирхлыг татах сүржин амьдрал түүнд байхгүй гэлцдэг. Гурван охиныхоо аав Н.Ариунболд гэх хүнээс өрх тусгаарлаж ганц бие ээжүүдийн эгнээнд элсээд байсан залуу бүсгүй ийнхүү хайрын шинэ романс үүсгээд амжжээ. Хосууд хамтдаа амьдарч байгаа бөгөөд дахин шинэ хүнтэй болох гэж байгаа талаар албан бус эх сурвалж мэдээлж буй. Утга учир нь үл олдох олон зүйлсийн зөв буруу, сайхан муухайг тунгаан дэнслэх эрхийг уншигч танд үлдээе!

Эх сурвалж:Шуурхай.мн