Трансжендер мисс Б.Солонго хүйсээ солиулж нийгэмд хараал зүхэл, магтаал хүндлэл зэргийг хослуулан үүрсээр ирсэн нь хүн ард хүлээн зөвшөөрөхөөс өөр аргагүйд хүрсэн билээ. Гэвч дахин нэг трансжендер Амина гэгч гарч ирсэнээр хүмүүсийн жигшил дургүйцэл нь шууд хооронд нь талцуулах болов. Анх дөрвөн настайгаасаа өөрийгөө эмэгтэй гэдгээ мэдэрсэн гэж ярьдаг тэрээр лайв бичлэгээрээ хүмүүсийн асуусан асуултуудад үнэн шудрагаар хариулж байсан нь аль хэдийн асуудалтай нүүр тулахаар шийджээ гэлтэй. Анх Б.Солонгыг хүмүүс жигшиж хараан зүхэж байсан ч телевизийн шоу, нэвтрүүлгүүдээр уригдан оролцож өөрийгөө аажим аажмаар хүлээн зөвшөөрүүлсэн гэж хэлэхэд болно. Тэгвэл Амина яг энэ жишгээр өөрийгөө олонд таниулж эерэг хандлагын эзэн болохоор шийдэв үү? Нийгэмд сөрөг үлгэрлэл үзүүлж байгаа ч бас нэг талаараа хүний эрхийн асуудал хөндөгдөх учир гутаан доромжлох нь бас хуультай гэдгийг санахад илүүдэхгүй. Дараагийн удаад бас хэн нь гарч ирж ямар үлгэрээ үзүүлэх бол гэхээс олонх нь эмээж байгаа нь илт байв.

Эх сурвалж:Шуурхай.мн