“Чингис хаан” нисэх онгоцны буудалд өчигдөр /03.14/ АНУ-ын цэргийн онгоц ослын буулт хийжээ. АНУ-ын цэргийн зориулалттай, С-17 маркийн ачааны нисэх онгоцны нэг хөдөлгүүр бүрэн зогсож, ажиллагаагүй болжээ. Онгоц Катараас нислэг үйлдэж явсан бөгөөд энхийг сахиулагчдын ачааг тээвэрлэж явсан гэнэ. АНУ-ын цэргийн зориулалттай уг онгоцны экипаж найман хүний бүрэлдэхүүнтэй байжээ. Онгоцыг аюулгүй буулгахын тул Чингис хаан нисэх онгоцны буудлын аюулгүйн алба шуурхай хуралдаж, бүх талын арга хэмжээг авчээ. Одоо нисэх буудлын үйлдвэрлэлийн үйл ажиллагаа хэвийн үргэлжилж байна. Тус онгоцонд засварын ажил хийж, нисэх боломжтой болсон үед хөөрнө” хэмээн мэдээллээ. Монгол улсын Батлан хамгаалах яам болон АНУ-аас Монгол улсад суугаа Элчин сайдын яамны тодорхой албан тушаалтнууд байдалтай танилцсан байна.