Папараци гэдэг бол нийгмийг эрүүлжүүлдэг, сэрэмжлүүлдэг, олны танил хүмүүст биеэ цэнэж, нийгэмд зөв үлгэр дуурайлалтай байхад нь маш их ташуур өгдөг сэтгүүлзүйн чухал төрөл гэдгийг МСНЭ-ийн Ерөнхийлөгч Б.Галаарид эрхэм хэлснийг энд онцлоход таатай байна. Учир нь Монголын сэтгүүлзүйд нэгэн шинэ өнгө аясыг дагуулсан “Папараци” сэтгүүл нээлтээ хийгээд байна. Хөшигний ард болдог үйл явдлуудыг дижитал эх сурвалжаар, баримт нотолгоотойгоор үзүүлэхийг зорьж буй тус сэтгүүл Эрэн сурвалжлах булан, Хуулийн булан, Аялал жуулчлалын булан, Гоо сайхны булан гээд олон хэсгүүдтэй бөгөөд хүнд хэрэгтэй бүхий л мэдээ мэдээллийг багтаасан гэдгийг үүсгэн байгуулагч нь хэлж байна. Өнөөдөр дэлхийн хөгжингүй бүхий л улс оронд папараци урлаг хүчээ авч буй билээ. Тэгвэл Монголдоо энэ урлагийг хөгжүүлэхээр замдаа гарсан “Папараци” сэтгүүлийн анхны дугаарт дэлхийн болон Монголын оддын папараци мэдээллүүд багтжээ. 24 контенттой тус сэтгүүл цаашид контентын тоогоо нэмэгдүүлж, уншигчидтайгаа шинэ шинэ мэдээллээр уулзах юм байна.

Шуурхай.мн