УИХ-д нэгэн шинэ лобби бүлэг байгуулагджээ.Хариуцлагатай уул уурхайг дэмжих уг бүлгийг УИХ-ын гишүүн Г.Тэмүүлэн, О.Содбилэг,  А.Ундраа, Н.Амарзаяа, Ц.Гарамжав, Я.Содбаатар,  Ж.Бат-Эрдэнэ нар үүсгэн байгуулсан байна.Хариуцлагатай уул уурхайг дэмжих лобби бүлэг үндсэн зорилгоо хууль тогтоомжийн хүрээнд хариуцлагатай уул уурхайг хөгжүүлэх асуудлыг хууль тогтоох дээд байгууллагын төвшинд авч үзэх гэж тодорхойлжээ. Тэд ул уурхайн салбарыг орчин үеийн стандарт шаардлагад нийцүүлэн, алс хэтийн хөгжлийн зорилготой уялдуулан хариуцлагатай, ил тод, нээлттэй хөгжүүлэх ёстой, үүний тулд дэвшилтэт технологи нэвтрүүлэх замаар байгалийн баялгийг зохистой, үр ашигтай ашиглах, уурхайг нээх хаах, нөхөн сэргээх ажлыг чанарын өндөр төвшинд гүйцэтгэхийн зэрэгцээ энэ чиглэлийн хууль тогтоомжийг боловсронгуй болгох ёстой гэж үзэж байгаа юм. Дашрамд дурьдахад уг бүлэгт багтаж буй УИХ-ын гишүүн Г.Тэмүүлэн, Ц.Гарамжав нар Уул Уурхайн дэд сайдаар ажиллаж байсан билээ.