АН-ын 7 дугаар их хурал болж, чамгүй олон гишүүд, төлөөлөгчид нь чууллаа. За харин өнгөрсөн жилүүдэд намынхаа гишүүдийн өмнөөс эрх мэдэл эдэлсэн олон гишүүд бараа сүрээ харуулсангүй. Тухайлбал, Н.Алтанхуяг ирээгүй юм. Түүний хувьд намын даргын сонгуульд үзээд гарч чадаагүй ч, С.Эрдэнийн урилгыг хүлээн авч хамтдаа хоолонд орж харагдсан. Харин намын их хуралдаа бол суусангүй. Н.Алтанхуягийн тухайд өндөр эрх мэдэлтэй байх хугацаандаа хууль бус зүйл цөөнгүй хийсэн гэх асуудалд холбогддог. Олон нийтийн зүээс ч түүнийг буруутгах хандлага нэлээн бий.

МУНН-ын дарга Б.Батболд хэлэхдээ  “Алтанхуяг 34 тэрбум төгрөгийн асуудалгүй юм бол шалгуулаад нэрээ цэвэрлээд л авна биз дээ,улс төржүүлээд байх шаардлага байхгүй. Ямарч асуудалгүй хүнийг юу гэж суулгав гэж дээ,өөрөө хууль мэддэггүй юм гэхэд мэргэжлийн өмгөөлөгч авсан л байгаа байлгүй дээ, хэдэн он билээ дээ өнөөдөр чинь….Дарга нар баахан хүн цуглуулж хэлмэгдсэн омгийн ахлагчийн дүр бүтээх гэдэг боллоо, үүнийгээ болих хэрэгтэй,тэгээд энгийн хүнийг ийм араншин гаргавал хэрэг бүртгэлт ,мөрдөн байцаалтын ажиллагаанд саад боллоо хэмээн үзэж дор нь бариад хорьчихдог,даргыг яаж ч чаддаггүй нь хууль хяналтынхны өөрсдийнх нь хамгийн том алдаа, хууль ёс завхарч, төрд итгэх ардын сэтгэл сэвтдэг хамгийн муу үзэгдэл болоод байгаа шүү…МУ- ын ҮХ нд хууль шүүхийн өмнө бүгд тэгш эрхтэй гэж заасан заалт байдгийг хууль хяналтынхан санаж ,ажил үүрэгтэй хариуцлагатай хандах хэрэгтэй бна даа …” гэсэн байсан юм.

Эх сурвалж: Шуурхай.мн