Цагаан сар дөхөөд хөөргийн үнэ цэн, өнгө үзэмж ид яригдаж буй бололтой. “Хөөрөг” дэлгүүрийн дархан Д.Пүрэвсүрэн ийн сонирхуулсан байна. “Монголчууд зөвхөн баяр, ёслол гэлтгүй бусад үед ч хөөргөөр гангардаг. “Монголын шилдэг хөөрөг” шалгаруулах уралдаан өнгөрсөн жил Эрдэнэтэд болсон юм.

Хамгийн сайхан ноён хөөргөөр Даян аварга Г.Өсөхбаярын цагаан хаш хөөрөг шалгарсан. Эмэгтэйчүүд хатан хөөрөг барьдаг. Тийм хөөргийн ганган цуглуулга “Алтжин”-гийн захирал Г.Алтан хатагтайд буй. Түүний хөөргүүдийг үнэлэх аргагүй тансаг юм билээ” хэмээжээ. Хөөрөг үнэтэйдээ ч биш, өнгө үзэмж, эрүүл мэнд, аз жаргал бэлгэддэгт онцлог нь оршдог. Биед ээлтэй л бол авсаархан хөөрөг ч эвтэйхэн харагддагийг зөвлөжээ.
Г.Мөнх wikimon