Олон улсын сүлжээний луйвар Монгол Улсад хүчээ аван цэцэглэж байна. Хүн бүр сүлжээнд элсэж амар хялбар аргаар мөнгө олох гээд мөнгөөр элсэж ороод эцэстээ хохирч байгаа юм. Казахстанаас ядуурлыг бууруулах төслөөр орж ирсэн “Жи тайм” сүлжээг цагдаагийн газраас луйвар гэдгийг нь мэдээлсээр байтал иргэд хууртсаар байгаа юм. Одоо бүр сүүлдээ Ерөнхий сайд Ж.Эрдэнэбатын нэрийг барьсан луйвар хийж байгаа зар цахим сүлжээнд тарав. Тэгвэл энэ гарсан мэдээлэл ташаа худал болохыг Ерөнхий сайдын хэвлэлийн албанаас албан ёсоор мэдээлж байна. “Ийм төрлийн үйл ажиллагаанд Засгийн газрын тэргүүн ямар нэгэн байдлаар оролцоогүй, оролцох ч үгүй гэдгийг мэдэгдэж байна” гэжээ.Оогийноо Оогий өөрийн цахим хуудастаа “ЗА НАЙЗУУДАА СЭРЭМЖЛҮҮЛЭГ Ч ГЭХ ЮМ УУ НЭГЭН ЗҮЙЛИЙГ ХЭЛЭХГҮЙ БОЛ БОЛОХГҮЙ НЭЭ. СҮҮЛИЙН ҮЕД СОШИАЛ ОРЧИНД ИЙМ НЭГЭН МЭДЭЭЛЭЛ ЯВААД байна даа. ТЭГЭЭД БИ НЬ ХОЛБОГДОХ БАЙГУУЛЛАГУУДААС ТОДРУУЛЛАА. ТЭГСЭН МАНАЙ УЛСАД ЭНЭ ТӨРЛИЙН БУЮУ /СҮЛЖЭЭ/ ПИРАМИД ТОГТОЛЦООНЫ ЗАМААР ХУУРАН МЭХЛЭХ ҮЙЛ АЖИЛЛАГААГ ХУУЛИАР ХОРИГЛОСОН БАЙДАГ ЮМ БАЙНА ШҮҮ. ЗА ТЭГЭЭД ХЭН НЬ МЭДЭГДЭХГҮЙ НӨХРИЙН ӨӨРИЙН СОШИАЛ /ФЭЙСБҮҮК/ ОРЧИНД БИЧСЭН ЮМАНД ҮНЭМШИХ ҮҮ, МОНГОЛ УЛСЫНХАА ХУУЛЬД ИТГЭХ ҮҮ ГЭДГЭЭ ӨӨРСДӨӨ МЭДСҮГЭЙ.

Хуулийн зүйл заалтыг хавсаргав… АЖ АХУЙН ҮЙЛ АЖИЛЛАГААНЫ ТУСГАЙ ЗӨВШӨӨРЛИЙН ТУХАЙ

8 дугаар зүйл. Хориглох аж ахуйн нэгжийн үйл ажиллагаа

8.1. Монгол Улсын нутаг дэвсгэрт дараах төрлийн аж ахуйн үйл ажиллагаа эрхлэхийг хориглоно:

8.1.1. хар тамхи, хуульд өөрөө заагаагүй бол мансууруулах бодис үйлдвэрлэх, импортлох, худалдах, /Энэ заалтад 2002 оны 11 дүгээр сарын 28-ны өдрийн хуулиар нэмэлт өөрчлөлт оруулсан/

8.1.2. садар самуун явдлыг зохион байгуулах, түүнийг аливаа хэлбэрээр сурталчлах, дэмжих,

8.1.3. казиногийн үйл ажиллагаа эрхлэх

8.1.4. олон шатлалт маркетинг буюу пирамид тогтолцооны замаар хууран мэхэлж ашиг хонжоо олох үйл ажиллагаа

8.2. Энэ хуулийн 8.1.3 дахь заалт нь чөлөөт бүсийн тухай хууль тогтоомжид хамаарахгүй.

ЭХ СУРВАЛЖ:ZALUU.COM