“ Би идэвхи санаачлага гаргаад цол хэргэм шагналын араас хөөцөлдөөд явдаг ч хүн биш. Мэдээж төр үнэлээд өгөх юм бол авна” хэмээн нэгэн цагт дориун өгүүлсэн хүн бол дуучин О.Баянмөнх. “Хөх монголын хүчтэнүүд”, “Омогшил”нэртэй цомгоо үзэгч сонсогчдын хүртээл болгосон тэрээр монголын нийтийн дууны урлагт хөл тавиад хэдийнэ арваад жил болжээ. Энэ хугацаанд олон сайхан дуугаараа ард түмэнийхээ хайр талархлыг хүлээж чадсан. Тиймдээ ч өдгөө  “Омогшил”-ын Баянмөнх хэмээн нэрлэгдэж, гавьяатын дайтай үнэлэгдэх болсон. Харин тэрээр ирэх гуравдугаар сард уран бүтээлийн / Гурав дахь/ тоглолтоо хийхээр бэлтгэл ажилдаа орчихсон тун завгүй яваа сурагтай. Дашрамд сонирхуулахад дуучин О.Баянмөнх, Улсын харцага Содномдорж нар хоёулаа Хөвсгөл нутгийн залуус бөгөөд Ховд аймгийн Чандмань сумын нэг айлд хүргэн орж байгаа гэнэ.  Ховор бөгөөд сонин тохиолдол  шүү.