Оюутолгойн гэрээ анхнаасаа муу хийгдсэн гэдэг нь хэн бүхэнд ойлгомжгой асуудал. УИХ-ын гишүүн Даваасүрэн хэлэхдээ, Оюутолгой манай улсын жилийн төсөвтэй тэнцэх борлуулалт хийдэг мөртлөө ердөө 6 хувийн татвар төлдөг тухай ярьсан. Үнэхээр тийм юм бол яагаад тийм бага ашиг авч байгаа юм. Рио тинто 94 хувийн ашигтай борлуулалт хийж байна.

Тэгэхээр үүний учрыг нээлттэй болгохыг ард түмэн хүсч байна. Ерөөсөө Оюутолгойн борлуулалт, ашиг орлого, татварын асуудлыг нээлттэй, ил тод болгомоор байна.

Хоёрдугаарт, ашиг орлогоо Японы банкинд байршуулдаг гэж сонссон. Үүнийг засмаар байна. Манай улсад, манай банкинд байршуулбал манайд ашигтай, үүнийг шийдэх хэрэггэй.

Гуравдгаарт, Ерөнхий сайд Ж.Эрдэнэбат хэлэхдээ, Оюутолгойд нэмэлт роялти тавина гэж хэлсэн, энэ асуудлаа зангарагтай авч үзэх хэрэгтэй юм.

Оюутолойн гэрээг сайжруулах эрх Засгийн газарт бий гэж ярьдаг юм билээ. Үнхээр тийм юм бол Оюутолгойн гэрээг засч сайжруулахыг монгол хүн болгон хүсэн хүлээж байна. Төсөв алдагдалтай, өр ширтэй байна, үүнээс гарах хамгийн зөв арга бол зээлийг зээлээр түр зуур хаах биш өөрийн эдийн засгаа эрүүлжүүлэх асуудал юм. Өөрөөр хэлбэл, Оюутолгой төслөө ашигтай ажиллуулах хэрэгтэй байна. Яагаад үүнийг яриад байна гэвэл, Оюутолгой төслөө ашигтай болгож чадвал дагаад олон асуудал сайжирна. Сайн үлгэр жишээ болно гэсэн үг.

Энэ талаар яг гүнд нь ороод сайн ярих, ярихаар барахгүй сайн тэмцэх улстөрч байхгүй л байгаа юм даа. Энэ л харамсалтай. Харин үүнийг

далимдуулаад хэлчихэд, Даваасүрэн, Болорчулуун нар зүгээр нэг тийм байна гэж хэлчихээд суумааргүй байна.

Ард түмэн чинь элгээрээ хэвтээд, улс орон чинь өрөнд баригдаад дууслаа.

Нөгөө талыг барьсан хүмүүс Оюутолгой хамгийн их татвар төлж байгаа гэж ярьдаг юм. Асуудлын гол нь Оюутолгойгоос авах ашгаа шударгаар авах тухай болохоос биш өнөөдөр хамгийн их татвар төлөгч гэж яриад, хууртаад байж боломгүй байна.

Оюутолгойгоос татвараа үнэн зөв тооцож авч чадвал манай улсын төсвийн орлого маш ихээр нэмэгдэнэ. Төсөв алдагдалгүй болно, өр зээлгүй болохоод их түлхэц болно. Нэг хүнд ногдох ДНБ нэмэгдэнэ. Цалин тэтгэврээ нэмэх боломж гарна.

Товчхондоо хэлэхэд, ард түмний амьдрал сайжирна, ажилтай орлоготой болно.