Цөмийн энергийн газрын дарга С.Энхбатыг үүрэгт ажлаас нь өнгөрсөн сард чөлөөлсөн билээ. Тэрбээр өөрийг нь Ерөнхий сайд С.Батболд хууль бусаар ажлаас нь үндэслэлгүй халсан хэмээн Төрийн албаны зөвлөлд болон Сүхбаатар дүүргийн шүүхэд гомдол гаргасан байна.

Шүүхэд гаргасан гомдолдоо тус ажилд эргүүлэн томилохыг хүсч ажилгүй байсан хугацааны цалин буюу нохон олговор авах тухай дурджээ. Энэ гомдлыг нь Сүхбаатар дүүргийн шүүх өнгөрсөн сарын 24-нд хүлээж аваад зургаа хоногийн дараа 881 тоот захирамж гарган иргэний хэрэг үүсгэсэн аж. С.Энхбатыг ажлаас нь чөлөөлсөн боловч оронд нь Цөмийн энергийн газрын даргаар хэнийг томилох нь одоогоор тодорхойгүй байгаа юм.

Г.Онон