Загварын тайз, миссийн тэмцээнээр олонд танигдсан ухаалаг нэгэн эмэгтэй бол  Ю.Балжидмаа билээ. Загвар өмсөгч, фото моделиор ажилладаг тэрбээр “Miss Mongolia”  2014 тэмцээнд тэргүүн байр эзлэн миссийн титэм   гардсан билээ.Түүнчлэн өнгөрсөн онд зохион байгуулагдсан “Монгол туургатны мисс”-т дэд байрын шагнал хүртэж, амжилтаа ахиулсан  адтай бүсгүй. Тэгвэл өдгөө мисс, загвар өмсөгч Ю.Балжидмаа “Mongolia’s next top model” шоунд оролцож, дахин олны анхаарлын төвд багтах болсон. Харамсалтай нь, загварын тайзан дээр чамгүй удаан алхсан туршлагатай бүсгүйг шинэ залуу охидтой ийнхүү өрсөлдөж буйд үе тэнгийнхэн нь ихээхэн дургүйцэж байгаа сурагтай.Гэвч мисс бүсгүй маань шинийг шинэ хуучныг хуучин гэж ялгалгүй үлгэр дуурайлал болж байгаа нь тэмцээнээс харахад илт биз ээ. 

Тэрээр энэхүү уралдаанд оролцох болёон шалтганаа ийн тайлбарлажээ: дэлхийн хэмжээний ийм том шоу, контентууд өнгөрсөн жилээс эхлэн Монголд зохиогдож эхэлсэнд баяртай байна. Бид багаасаа л “America’s Next Top Model” тэмцээнийг үзэж өссөн шүү дээ. Одоо харин Монголд зохион байгуулагдаж байгаа учраас орж үзэх нь миний хувьд нэр төрийн хэрэг гэж бодсон. Зохион байгуулж байгаа газар нь сайн нэвтрүүлэг, контент хийдэг Боловсрол телевиз болохоор энэ тэмцээн маш үр дүнтэй болно гэж бодож байгаа. Хамгийн гол нь би дөнгөж 19 настай, залуу байна. Тиймээс цаашдын карьерт маань энэ тэмцээн бас чухал нөлөө үзүүлэх болов уу.

                                                                                                                                                              Эх сурвалж: Шуурхай.мн