“NASA”-гийн хэвлэлийн албаны дарга Триш Чамберсон дуулиант мэдэгдэл хийлээ. “Харь гарагийн соёл иргэншлүүд үнэхээр оршиж байдаг. NASA одоогийн байдлаар 4 өөр үндэстэнтэй холбоо харилцаа тогтоогоод байгаа” хэмээн Триш Чамберсон ярилаа.

Өмнө нь энэ талаар “Waterford Whispers News” мэдээлэхэд хэн ч итгээгүй, гэтэл албаны эх сурвалж одоо үүнийг баталлаа. Яагаад одоо энэ талаар мэдэгдэл хийх болсон тухай асуухад Триш Чамберсон “Харь гарагийнхны тухай маш олон баримтат кино, телевизийн нэвтрүүлэг бий. Иймээс энэ талаар хүмүүс мэддэг л гэж бид бодсон юм” хэмээн хариулжээ.

“Харь гарагийнхан та бүхэнд мэнд дамжуулсныг уламжилъя. Ер нь харь гарагийн соёл иргэншлийн төлөөлөгчид мянга мянган жилийн турш манай дэлхий дээр айлчилж ирсээр байгаа юм” гэж Чамберсон шоконд орсон сэтгүүлчдэд мэдэгдлээ. “Дэлхийн өнцөг булан бүрд шахуу байдаг эртний цац пирамидууд, аварга том байгууламжуудыг хэн босгосон гэж та нар боддог вэ? Мэдээж тэд. Минийхээр бол бүх юм ойлгомжтой” гэж Триш бүсгүй нэмж хэлэв.

Триш Чамберсон “Харь гарагийнхан гэхдээ дэлхийн хүмүүсийн хийж байгаа үйл хөдлөлийн талаар их гомдол мэдүүлдэг. Хүн төрөлхтөн цөмийн зэвсгийг хэрэглэж байгаад тэд сэтгэл дундуур байна. яагаад гэвэл энэ нь зэрэгцээ ертөнцүүдэд сөргөөр нөлөөлж байдаг юм. Харь гарагийнхан үнэн хэрэгтээ гэм зэмгүй амьтад шүү дээ, тэд зөвхөн байгалийн баялгийг л сонирхдог. Үүнд бид нэг их сэтгэл түгших хэрэггүй” гэж мэдэгдлээ.

Эх сурвалж: Ходни Одмаа, www.mnews.mn