Гүйгч Усэйн Болтын багийн гишүүн Неста Картер допингийн шинжилгээгээр эм хэрэглэсэн нь тогтоогдож 2008 оны Бээжингийн олимпийн наадмын 100:4 метрийн буухиад авсан алтан медалийг хүчингүй болгосон тухай AFP мэдээлсэн байна.

 Түүний цуснаас авсан дээжээр допинг хэрэглэсэн нь  тодорхой болжээ. Тиймээс Олимпийн 9 удаагийн аварга Болт 8 удаагийнх боллоо. Ямайкийн хөнгөн атлетикч нь 11 удаагийн дэлхийн аварга билээ.

Усэйн Болт карьерынхаа туршид найман удаа дэлхийн дээд амжилтыг тогтоосон байна. Тэр нь 100, 200 метрт түүхэн дэх хамгийн хурдан ойрын зайн гүйгч юм. Тиймээс ч дэлхийн хамгийн хурдан хүн гэгддэг билээ.

М.Баяр