Намайг начины найраа хийсэн гэж хүмүүс гадуур ярих юм.Начины найраа гэдэг үгэнд би хувьдаа их дургүй.Юуг хэлээд байгааг ч сайн ойлгодоггүй юм.Шинэ залуу олон сайн бөх жил ирэх тусам нэмэгдэж байна.Боломж нь хүн бүрт адилхан байгаа хойно тухайн жил хэн өнгөтэй одтой барилдахыг бид таашгүй.Харин бэлтгэлээ сайн хийж цолны босго алхсан бөхчүүдээ өгүүсгэх учиргүй.Тэдний хүч хөдөлмөрийг зөвөөр үнэлэхёстой.Надаар тав давж улсын цолны босго алхсан гурван л хүн бий.МУ-ын арслан Н.Батсуурь,МУ-ын харцага Содномдорж,МУ-ын харцага Даваабаатар.Батсуурь арслангын хувьд улсын баяр наадамд түрүүлсэн,Содномдорж харцага цолоо баталсан,Даваабаатар энэ цаг үеийн уран барилдаантай сайн бөхчүүдийн нэг.Энэ гурав гурвуулаа надаас өндөр хэмжээнд барилдаж байгаа учраас намайг хардах шаардлагагүй байхаа гэж нэгэн телевизид харцага ярилцлага өгчээ.Шулуун шударга занг энэ хүнээс л олж харах юмдаа…Монгол бөхийн босоо цагаан хийморь өнө мөнх өөдөө байг.