Өмнөговь аймгийн Номгон суманд шинэ Нутгийн удирдлагын ордон ашиглалтад орж, өнөөдрийн билэгт сайн өдөр 11 цагт нээлтээ хийлээ.

Нээлтийн үйл ажиллагаанд Өмнөговь аймгийн Засаг даргын орлогч Х.Батболд, аймгийн ИТХ-ын ажлын албаны дарга Б.Галхүү, Төрийн захиргаа удирдлагын хэлтсийн дарга А.Ганзуузай, Нийтлэг үйлчилгээний албаны дарга А.Цогбаяр, Хүрмэн сумын Засаг дарга Б.Ганболд, Хүрмэн сумын ИТХ-ын дарга н.Эрдэнэбаяр, Засаг даргын орлогч н.Энхбат, Тамгын газрын дарга н.Хүрлээ нарын зочид төлөөлөгчид оролцож баяр хүргэлээ.

Мөн хүрэлцэн очсон төлөөлөгчдөөс гадна сум орон нутгийн удирдлагууд,  иргэд хөдөрмөрчид өргөнөөр оролцож, Номгон сумын өндөр настан С.Агваан тууз хайчилсан юм.

1974 онд Номгон сумын Захиргааны байр шатснаар, 1977 онд одоогийн үйл ажиллагаа явуулж ирсэн Засаг Даргын Тамгын Газрын байрыг  С.Хоохдойгоор  ахлуулсан нутгийн иргэд өөрсдөө барьж ашиглалтад оруулж байжээ.

Тэгвэл 1977 оноос хойш 40 жилийн дараа ийнхүү Номгон суманд шинэ Нутгийн удирдлагын ордон ашиглалтад орж байна.