Парламентад шинээр сонгогдсон гишүүдийн нэг Л.Элдэв-Очирт Тавантолгойн гэрээг явуулах лобби бүлэг байгуулъя. Зардал, мөнгөө босго гэж хүмүүс хэлсэн гэнэ. Чухам харин яг ямар хүмүүс тэгж хэлээд байгааг эрхэм гишүүн илчилж хэлээгүй байгаа аж. Тодруулбал, МАН-ын бүлгийн хурал дээр Л.Элдэв-Очир гишүүн энэ тухай бусад гишүүддээ хэлж цочоожээ.  Бусад нь түүнээс “.Хэн тэгсэн, ямар гишүүд тан дээр орсон юм. Нэрийг нь хэл”  гэж шаардахад  Л.Элдэв-Очир гишүүн “…Манай намын гишүүд биш” гэжээ. Тэгэхээр нь  “Тэгвэл АН-ын гишүүд гэсэн үг үү?”  гэхэд Л.Элдэв-Очир гишүүн дахин юм хэлэлгүй дуугүй суусан талаар нь хэвлэлд бичжээ. Түүнчлэн МАН-ын бүлгийн зарим гишүүн “…Энэ тухай гишүүд амаа хамхиарай. Бүлэг дээрээ ийм юм яриад сууж байна гээд задрах юм бол нам муухай харагдана” гэж анхааруулсан гэх ч, мэдээлэл хэдийнэ гадагшилжээ.Л.Элдэв-Очир гишүүний тухайд МCS-ийн хүн гэдгээрээ хэвлэлээр олонтаа бичигддэг. Тиймдээ ч Тавантолгойн гэрээг явуулах лобби бүлэг байгуулъя гэх саналыг эрхэм гишүүн өөрөө өөртөө эхэлж тавьснаа яриад байгаа юм биш биз гэж харахад хүргэж байгаа юм.

Эх сурвалж: Шуурхай.мн