Энэ сарын 14-ний өдөр 18 настай Ц.А-г үл таних хүн зодож хүнд гэмтэл учруулан, хүчирхийлсэн хэргийн сэжигтнийг илрүүлэн, эрүүгийн хэрэг үүсгэж Өмнөговь газарт аймаг дахь цагдаагийн шалгаж байгаа аж. Тус аймагт гарсан хэрэг сүүлийн өдрүүдэд хэвлэлийн хуудаснаа гарч, олныг сэрдхийлгээд байгаа. Зарим мэдээллийн хэрэгслээр  “Өмнөговь аймагт гарсан хэргийг гурван хүн үйлдсэн, цагдаагийнхан нэгийг барьж, хоёр нь баригдаагүй байна” гэх  мэдээлэл гарсан. Тэгвэл цагдаагийн байгууллагаас уг мэдээллийг үгүйсгэж байна. Хэргийг гурван хүн биш нэг хүн үйлдсэн нь тогтоогдож байгаа аж.

Хэргийг илрүүлэхээр Мөрдөн байцаах газрын Онц хүнд гэмт хэрэг мөрдөх хэлтэс, Өмнөговь аймаг дахь Цагдаагийн газрын алба хаагчдын хамтарсан ажлын хэсэг ажиллаж Өмнөговь аймгийн Даланзадгад суманд төрсөн, бүрэн бус дунд боловсролтой, мэргэжилгүй, 1997 онд төрсөн Н.Р гэгч үйлдсэнийг тогтоожээ.

 Хохирогч Ц.А-гийн гавал яс цуурсан хугарал, цус хуралт зэрэг хүнд гэмтэл авчээ.

Хэргийг шалгах явцад сэжигтэн Н.Р нь 2017 оны нэгдүгээр сарын 1-нд иргэн У.С-гийн “Galaxy S5” загварын гар утсыг, мөн өдрийн 21:00 цагийн үед иргэн С.А-ийн “Galaxy S5” загварын гар утсыг, 2017 оны нэгдүгээр сарын 17-ний өдөр иргэн Э.Н-ийн “LG” загварын гар утсыг хоолойг нь боож унаган, зодож амь биед аюултайгаар хүч хэрэглэн дээрэмдсэнийг тогтоосон байна.