Казахстаны Алмата хотод дэлхийн оюутны өвлийн спортын “Универсиад” наадам энэ сарын 29-нөөс ирэх сарын 8-нд болно. Тус наадамд 59 орны 3000 гаруй тамирчин спортын 12 төрөлд 86 багц медалийн төлөө өрсөлдөх юм. Оюутны өвлийн “Универсиад” наадам 56 жилийн түүхэндээ ийм олон тамирчин өмнө нь хүлээж авч байгаа юм. Таван жилийн өмнө Турк улсад болсон наадамд 53 орны баг тамирчид оролцож байсан бол 2013 онд Итали улсад болсон наадамд 2668 тамирчин оролцсон нь хамгийн өндөр тоо байв. Тэгвэл Алматагийн “Универсиад” наадам оролцогч орон, баг тамирчдын тоогоороо дээд амжилт тогтоож байна.