Жүдо бөхийн 2017 оны  улсын аварга шалгаруулах тэмцээн энэ сарын 15-18-ны  өдрүүдэд амжилттай болж өндөрлөлөө. Энэ жилийн тэмцээнд  69 байгууллагын 380 гаруй тамирчид бяр ухаанаа сорив.  Эхний 2 өдөр жингийн тэмцээн болж “Сүлд” спорт хорооны тамирчид 3 алт,  2 мөнгө,  5 хүрэл медаль авсан амжилтаар багийн дүнгээр алтан медаль хүртэж, цомын эзэд болсон юм.

Тэмцээний сүүлийн өдөр Багийн улсын аварга шалгаруулах тэмцээн болж “Сүлд” спорт хороо “Женко” клубтэй халуун тулаан хийж,  өрсөлдөөн гэдгийг ёстой харуулах шиг болсон. Улмаар “Сүлд” спорт хорооны тамирчид багаараа аварга болсон юм. Оноо нь хоёр хоёроор тэнцээд байсан  “Сүлд” спорт хороо “Женко” клуб хоорондын сүүлчийн шийдвэрлэх барилдаан болох +90 кг-д  ШШГЕГ-ын харьяа “Сүлд” спорт хорооны дарга А.Давааням ОУХМ Б.Сугаржаргалтай барилдаж, цэвэр ялсан юм. А.Даваанямын тухайд  өөрөө барилдаж баг тамирчдаа дэмжиж байсан нь содон байлаа.

Эх сурвалж: Шуурхай.мн