“Алтан мужийн дайчид”-ын холбон тоглогч Стефен Карри гэрээний үнийн дүнд санаа зовдоггүй, “мөнгөнд дургүй” гэдгээ өгүүлжээ.
Сүүлийн хоёр улирлын үнэ цэнэтэй тоглогч 2012 онд дөрвөн жилийн 44 саяын гэрээ байгуулж байсан нь багтаа дөнгөж дөрөвт орох үзүүлэлт юм. Кевин Дюрэнт, Дрэймонд Грин болон Клэй Томпсон нараас Стеф бага цалин авдаг аж.
“Аав маань хүний мөнгийг битгий тоолж бай гэж үргэлж сургадаг. Хэрвээ би дөрвөн жилийн хугацаанд 44-хөн саяыг л оллоо гэж бодоод эхлэх юм бол, миний амьдралд төрөл бүрийн асуудлууд гарах болно” хэмээн Карри ярьжээ.
Энэ зун “Голден Стэйт”-ийн удирдлагууд од тоглогчдоо 5 жилийн 210 сая долларын гэрээг санал болгох сураг гарч байгаа билээ.
Холбоотой мэдээ
Comments are closed.