Португалийн шигшээ болон Испанийн Реал Мадридын супер од Кристиан Роналдо Олон Улсын хөлбөмбөгийн холбооноос тодруулдаг шилдэг эрэгтэй хөлбөмбөгчний шагналыг хүртлээ.

Хувийн шагналынхаа тоог нэгээр нэмсэн дэлхийн шилдэг хөлбөмбөгч Роналдо “Энэ жил би дэлхийн шилдэг хөлбөмбөгч буюу “БаллонДор”-ыг хүртэнэ гэдэгтээ итгэлтэй байна” гэжээ. “FIFA”-ийн оны шилдэг тоглогч болсон тамирчин тухайн жилдээ Европ, дэлхийн шилдэг тамирчны шагнал хүртдэг бичигдээгүй хууль байдаг.

Швейцарийн Цюрих хотод болсон “FIFA”-ийн ёслолын ажиллагааны үеэр Роналдод уг шагналыг Холливудын жүжигчин Эва Лонгориа гардуулсан юм.

Роналдо уг шагналд нэр дэвшиж, 34.54 хувийн саналаар ялалт байгуулсан бөгөөд түүний араас Аргентиний шилдэг тоглогч Лионел Месси бичигджээ.