ҮСХ-ны дарга А.Ариунзаяа Японы олон улсын хамтын ажиллагааны байгууллагаас Монгол Улсад хэрэгжүүлж буй “Нийгмийн даатгалын үйл ажиллагааны чадавхийг бэхжүүлэх” төслийн ахлах зөвлөх Ямашита Маморүг 2016 оны 1 сарын 4-ны өдөр хүлээн авч уулзлаа.  Уулзалтын үеэр талууд Монгол улсын хүн амын тооцолол, нийгмийн даатгал, нийгмийн халамжийн бодлого зэрэг асуудлуудыг хөндөж, санал солилцсон бөгөөд ҮСХ-ны  статистикчийг энэ оны 1 дүгээр сард зохион байгуулагдахаар төлөвлөгдөж буй актуар тооцоололын сургалт семинарт оролцуулж, мэргэжлийн байгууллагатай харилцан туршлага судлахаар тохиролцов. Дээрх төсөл нь Монгол улсад, НДЕГ-ын нийгмийн даатгалын хамруулалт, шимтгэл хураалт болон даатгал олгох үйл ажиллагааг сайжруулах зорилгоор Жайка, Хөдөлмөр Нийгмийн Хамгааллын Яам, Нийгмийн Даатгалын Ерөнхий газартай хамтран хэрэгжүүлж буй техник хамтын ажиллагааны төсөл юм.