Хүйтний улиралтай холбогдуулан амьсгалын замын өвчнүүд, томуу,томуу төст өвчин дэгдээд байгаа. Үүнээс урьдчилан сэргийлэх, багасгах зорилгоор эцэг эхчүүдэд цалинтай чөлөө олгох шийдвэр Засгийн газрын хуралдаанаар шийдвэрлэсэн. Тодруулбал, өнөөдрөөс эхлэн ирэх сарын 1-ний өдөр хүртэл тав хүртлэх насны хүүхдээ эмнэлэгт болон гэртээ гурваас тав хоног асарсан эцэг эхчүүдэд уг чөлөөг олгох юм байна. Энэ шийдвэрийн дагуу өрхийн эмнэлэгүүд ч бямба гарагт цагийн хуваарийн дагуу ажиллах аж.

Ханиад хүрсэн бага насны хүүхдүүдийг гэрт нь харах хүнгүйн улмаас эмчилгээгээ дуусгалгүй эсвэл сургууль цэцэрлэгтээ явангаа эмээ уух нь эмчилгээний үр дүн багатай байдаг. Мөн эмнэлгийн ачаалал их, эмнэлэгт ханиадны вирус дамждаг зэрэг хүндрэлүүд нь бага насны хүүхдийн ханиад хүндрэх, тус өвчний тархалт нэмэгдэх шалтгаан болж байгаа гэж үзэн энэхүү шийдвэрийг гаргасан байна.