Секси имиж, шулуун шударга яриа хөөрөөгөөрөө олны анхаарлыг эрхгүй татдаг дуучин бол Нара. Анх гарч ирсэн цагаасаа л эрчүүдийн харааг булааж, эмэгтэйчүүдийн анхаарлыг татаж, хэвлэлийн баатар болсон тэрээр одоо ч моодноос гараагүй. Түүний хайр дурлал, хувийн амьдрал бүгд л олны анхаарлын төвд байдаг. Уран бүтээл гэж хийсэн зүйлгүй ч ганц дуутай мэс заслын ширээнээс төрсөн хэмээн хэвлэл мэдээллээр нэг яригддаг дуучин Нара монгол зүйр үгээ сайн мэддэггүй бололтой. Нэгэн хөгжмийн нэвтрүүлэгээр орж бас л өөрийгөө магтан эрэгтэй хөтлөгч рүү хандран айлгүйтэх юм. Шууд нэвтрүүлэгт зочиноор орсон түүнтэй үзэгч холбогдоод: Та яагаад байнга шахуу нүцгэн зургаа авахуулдаг юм бэ зүгээр л уран бүтээлээ хийгээд явж болохгүй юмуу хэмээн асуусанд Нара: “Эмэгтэй дуучдаас би анх зориг гаргаж нүцгэн зургаа авахуулсандаа хэзээ ч харамсдаггүй. Хүмүүс өөрийн толгой дээрх өвсийг хараагүй байж хүний толгой дээрх тэмээг эхэлж харах юм” гэж хээв нэг ярьж байх юм. Гэвч нэгдүгээр ангийн хүүхэд ч мэдэх “Өөрийн толгой дээрх бухлыг хараагүй байж, Хүний толгой дээрх өвсийг харав” гэдэг зүйр үг байдагсан. Мартсан юм болов уу эсвэл мэддэггүй ч юм болов уу. Ойрын хоёр, гурван жилдээ мэдлэг боловсролоо дээшлүүлэх тал дээр анхаарлаа хандуулнаа гэж байсан дуучин зүйр үгийг маш сайн иш татаж ярьдаг шигээ зүйр үгээ судлах хэрэгтэй юм байна даа. Надад 8 настай балчираас 80 настай  фэнүүд байна, намайг хүүхдүүд харчихаад “BАBY” эгч явж байна гэж өхөөрддөг ёстой хөөрхөн эгч шүү гэж хүлээж авдаг хэмээн Нара хуучилжээ.
Энэ мэт улс төрчдөөс илүү өөрийнхөө ПиАр-аа хийдэг дуучин хэмээх нэр зүүсэн одонцоруудаа яах вэ. Уг нь ард түмэндээ хайрлагдсан уран бүтээлээр үзэгч олноо баярлуулж явбал зүгээрсэн дээ Нара минь.

С.САРУУЛ NUUTS.MN