Өнөөдөр Сүхбаатарын талбайд анхны таван яам байгуулагдсаны 100 жилийн ойд зориулсан яамдын нээлттэй хаалганы өдөр болсон. Энэхүү өдөрлөгийн үеэр яамдууд үйл ажиллагаагаа танилцуулсны зэрэгцээ урлаг соёлынхны тоглолтоор иргэдэд бэлэг барьсан юм. Сүүлийн үед уран бүтээлийн хувьд чимээгүйхэн байсан МУГЖ Ч.Бат-Эрдэнэ энэхүү өдөрлөгт хүрэлцэн ирж ая дуугаа өргөсөн. Хэдэн төгрөгийн халтуур хийж байгаа эрхэм гавьяатыг дуугаа дуулж байх хооронд Чингэлтэй дүүргийн замын цагдаагийнхан машиных нь дугаарыг хураагаад арилж өгч. Учир нь тэрбээр  зөвшөөрөлгүй газар машины тавьсан юм байх. Бүр тодруулбал, Сүхбаатарын талбайд бараг л оруулж ирээд машинаа тавьчихсан байсан юм. Тэгээд машиныхаа улсын дугаарыг хураалгаж л дээ, хөөрхий. Нэгэн  залуу машиных нь дугаарыг цагдаа тайлж авч байгааг гүйж ирж хэлсэн боловч Ч.Бат-Эрдэнэ гавьяатыг очих зуур яваад өгсөн байна билээ. Уг нь гавьяат, од гэлтгүй замын хөдөлгөөний дүрэм бүх хүнд ижил үйлчилдэг дээ. Үүнийг эрхэм гавьяат мартсан бололтой.

П.Нанзад

МОНГОЛЫН МЭДЭЭ СОНИН