Жүжигчин Г.Ундармаа өнөөдөр “Итгэлийн танхим” төрийн бус байгууллагынхаа хүрээнд зургаа дахь эмнэлгээ тохижуулж дуусган хүлээлгэн өглөө.

Тэрбээр энэ удаа Хан-Уул дүүргийн нэгдсэн эмнэлэгийн хүүхдийн тасгийг иж бүрэн засварласан юм. Тус тасгийн нээлтийн арга хэмжээнд Нийслэлийн Засаг даргын орлогч Ш.Анхмаа, Хан-Уул дүүргийн ИТХ-ын дарга Г.Цэрэн, Хан-Уул дүүргийн Нэгдсэн эмнэлгийн дарга Б.Бааст, СТА Г.Ундармаа болон Хан-Уул дүүргийн нэгдсэн эмнэлгийн эмч, ажилчид, төсөлд хамрагдсан багийнхны төлөөлөл оролцлоо. Тус арга хэмжээний үеэр, Энэ үеэр нийслэлийн Засаг даргын орлогч Ш.Анхмаа СТА Г.Ундармаад “Нийслэлийн эрүүлийг хамгаалахын тэргүүний ажилтан” цол тэмдгээр шагналаа.

Өмнө нь Жүжигчин Г.Ундармаа Сонгинохайрхан дүүргийн Эрүүл мэндийн төвийн харьяа Баянхошуун дахь салбар амбулаторын Хүүхдийн кабинет, Хүлээлгийн танхимыг тохижуулсан бөгөөд “Өргөө амаржих газар”, “Улсын нэгдүгээр төв эмнэлэг”, “Эх хүүхдийн эрүүл мэндийн үндэсний төв”-ийн үйлчлүүлэгчийн өрөө, хүүхдийн тоглоомын болон ариун цэврийн өрөө зэргийг тохижуулсан билээ.