Чөлөөт бөхийн эмэгтэйчүүдийн “Кубок России по женской борьбе” олон улсын тэмцээн өндөрлөлөө. ОХУ-ын Чувашын БНУ-д болсон уг тэмцээнд 55-кгд А.Батцэцэг, 58-д С.Цэрэнчимэд, 69-д О.Насанбурмаа нар Аваргын Алтан медаль зүүлээ.
Харин 75-д Б.Одончимэг мөнгөн медаль зүүсэн бол Ш.Түмэнцэцэг, Гавьяат тамирчин Ц.Энхжаргал нар хүрэл медалийн болзол хангасан байна.
Аваргын төлөө барилдаанд Сүхээгийн Цэрэнчимэд Оросын бөхийг шүүгчтэй нь үзэгчидтэй хамт сүүлийн мөчид яллаа.
55-кгд А.Батцэцэг дайчин шаламгай барилдаж бүх өрсөлдөгчөө илт давуугаар яллаа. 69-д Гавьяат тамирчин О.Насанбурмаа финалын барилдаанд өрсөлдөгчдөө хичээл зааж 10:0 харьцаагаар буулган авав. Мөн бусад тамирчиддаа Спортын өндөр амжилтыг хүсэн ерөөе. Медаль зүүх цаг тун удахгүй ирэх болноо.