Хятадын тал манай улсын Энэтхэг улсаас авах гэж нэг тэрбум төгрөгийн зээлийн асуудлыг эсэргүүцжээ.  Тодруулбал, Хятадын гадаад бодлогын тусгал болдог Global Times сайтад “Монгол улс салан тусгаарлагчийг хүлээж авсан үйлдэлдээ шүүмжлэлтэй хандах хэрэгтэй” гэх нийтлэлийг гаргажээ.

Энэтхэгийн Ерөнхийлөгч Нарендра Моди хоёр жилийн өмнө манай улсад айлчлахдаа нэг тэрбум ам.долларын зээл тусламж үзүүлнэ гэдгээ мэдэгдсэн билээ. Үүнтэй холбогдуулсан сүүлийн өдрүүдэд манай талаас дээрх зээлийн асуудлыг хөөцөлдөж, ойрын өдрүүдэд авахаар бэлтгэж байгаа юм. Гэтэл Энэтхэгийн гадаад хэргийн яам уг хүсэлтийг нааштай хүлээн авч байгаагаа илэрхийлжээ. Гэхдээ Энэтхэг улс Монгол-Хятадын харилцаанд гарсан хүндрэлээс гадна Монгол улс өөрөө өрийн асуудалтай байгааг харгалзан үзэж, зээлийн нөхцлийг сайтар судлах хэрэгтэй байгаагаа илэрхийлсэн байна.

Ийнхүү далай ламын айлчлалаас үүдэлтэйгээр урд хөрштэй харьцах харилцаанд сэв суусан нь өнөөдөр ч үргэлжилсээр байгаа бөгөөд манай улсыг гуравдагч орнуудаас тусламж авахад хүртэл саат учруулж эхэллээ. Хятадын гадаад бодлогын тусгал болдог Global Times сайтад Монголын эрх баригчдын Энэтхэгээс зээл тусламж авах гэсэн оролдлогын тухай эхлээд дурдсан байна. Дараа нь Орос, Хятадын дунд оршдог Монгол улс төвийг сахих байр суурь баримталж, аливаа их гүрнүүдийн сөргөлдөөнд хутгалдахгүй байх нь ашигтай болохыг сануулжээ. Гэхдээ “гурав дахь хөрш”-ийг үгүйсгээгүй ба ийм хамтын ажиллагааг зөвхөн эдийн засгийн ашиг орлогоо нэмэгдүүлэх зорилгоор хэрэгжүүлэх нь зөв, харин геополитикийн тоглоом болгож болохгүйг хэлсэн байна. Өгүүллийг бичигч нь Монголын эрх баригчдыг олон улсын харилцаа ямар зарчмаар явагддаг талаар гэнэн ойлголттой байгааг шүүмжлээд улс орныхоо эрх ашгийг бодолцохын хажуугаар бусадтай харилцан ашигтай байх зарчмыг мартаж болохгүйг анхааруулжээ.

Эцэст нь Монгол улс Энэтхэгээс тусламж хүссэн явдал улс төрийн хувьд хэтэрхий хөнгөн гоомой шийдвэр бөгөөд ингэснээр байдлыг улам хүндрүүлж, асуудлыг шийдэх боломжийг улам багасгана гэсэн бөгөөд алдаанаасай суралцахыг сануулжээ.

Эцэст нь Монгол улс Энэтхэгээс тусламж хүссэн явдал улс төрийн хувьд хэтэрхий хөнгөн гоомой шийдвэр бөгөөд ингэснээр байдлыг улам хүндрүүлж, асуудлыг шийдэх боломжийг улам багасгана гэсэн бөгөөд алдаанаасай суралцахыг сануулжээ.

Далай ламын айлчлал хэдийгээр зөвхөн шашны зорилготой номын айлчлал байсан гэж манай талаас мэдэгдээд байгаа ч Хятадын тал үүнд маш их эмзэглэсэн хэвээр байгаа юм. Одоо асуудал улам бүр хүндэрч эхэллээ. Урд хөршийн зүгээс манай улстай яригдаж байсан бүхий л төсөл хөтөлбөрүүдээ зогсоохын сацуу эдийн засгийн бусад хориг саадуудыг тавьж эхэллээ. Одоо бүр гуравдагч улстай ч харьцах харилцаанд нөлөөлж эхлэв.

Ер нь Далай багшийн энэ удаагийн айлчлал Хятадын талтай эдийн засгийн хувьд ч, улс төрийн хувьд ч асуудал үүсгэж орхилоо. Хоёр том гүрний дунд оршиж буй манай улс шиг жижиг орон аливаа асуудалд хэрхэн хандахаа алхам тутамдаа бодох нь зүйтэй буй за.

Б.Анир

Zaluu.com