АН-ынхан ямар ч байсан ҮЗХ-оогоо хуралдуулсан. Намын даргаа сунгаагаар тодруулна гэж байгаа. Намын дүрмээ шинэчлэнэ гэж буй. Тэгвэл тус намын дарга асан, Ерөнхий сайд асан Н.Алтанхуяг ирэх Ерөнхийлөгчийн сонгуульд нэр дэвшинэ гэдгээ мэдэгдсэн нь АН-ын задралыг бас харууллаа гэж буй. За харин Д.Эрдэнэбат гишүүн энэ талаар байр сууриа илэрхийлэхдээ “Ерөнхийлөгчийн сонгуулийн сунгаанаас өмнө Ардчилсан намын шинэчлэлийг шуурхай хийж, асуудлыг нэг тийш болгох ёстой гэдэг дээр бид санал нэгдсэн. Ардчилсан нам хэрхэн шинэчлэгдэж, хэрхэн зохион байгуулагдаж, хэр зэрэг нээлттэй болох нь Ерөнхийлөгчийн сонгуулийн үр дүнд нөлөөлнө. Н.Алтанхуяг гишүүний хувьд нэр дэвшинэ гэдгээ илэрхийлэх эрхтэй. Мэдээж Ерөнхийлөгчийн сонгуульд нэр дэвших бодолтой хүмүүс нэлээд бий. Та бүхэн санаж байгаа байх 2009 оны Ерөнхийлөгчийн сонгуульд нэр дэвшигчийг тодруулахын тулд зургаан нэр дэвшигчийн сунгааг нам дотроо зохион байгуулсан байдаг. Энэ удаад ч ийм журмаар явна. “ гэж байна.

Эх сурвалж: Шуурхай.мн