Ер нь Төв банк бол ханшийн өсөлттэй тэмцээд барахгүй гэдгээ мэдэгдчихсэн. Тэгвэл төв банкны удирдлагын байр суурийг эдийн засагчид эсэргүүцэж байна. Тухайлбал, эдийн засагч Н.Дашзэвэг хэлэхдээ “-Энэ бол агуу тэнэглэл. Монголбанкны удирдлага ийм мэдэгдэл хийх ёсгүй. Төгрөгийн ханшаа, эдийн засгаа алах мэдэгдэл шүү дээ. Ер нь нөөцгүй болсон тухай Монголбанкны ерөнхийлөгч, Сангийн сайдын өмнөх мэдэгдлүүд ч маш буруу. Долларын төлөө дайнд уриалсантай ижил утгатай мэдэгдлүүд байсан. Дажгүй сэтгэдэг хүмүүс бол төгрөгөөс салахын түүс болж байгаа нь булзах аргагүй үнэн… Мэргэжлийн гэхээсээ илүү энгийн логик сэтгэлгээ алга л даа, энэ хүнд. Монгол банк төгрөгөө, улмаар эдийн засгаа “алснаар” МАН-аа цаашдын сонгуульд оролцох нүүргүй болгож байна. Ийм л улс төр харагдаж байна. АН-ыг шүүмжлэх аргаа олохгүй л байна.” гэсэн байна. За харин Сангийн сайдын талаар “-Сангийн сайд ханшаа, улмаар эдийн засгаа, улсаа ард түмнээ хорлочихлоо. Төсвийн алдагдал, төсвийн санхүүжилт бол инфляци, ханшаа хөөрөгдөх нэг том хүчин зүйлс мөн л дөө. Энэ тал дээл Сангийн яам муу ажиллаж байна.

 Бусад оронд Төвбанк, Сангийн сайд нь ингэж мэдэгдсэн бол шууд огцруулна. Улс төрийн соёлтой оронд бол өөрсдөө сайн дураараа огцорно гэж том асуудал бий. “Уучлаарай миний зүгээс ханш уналтын эсрэг юу ч хийж чадахгүй нь. Өөрөөр сэтгэж өөрөөр ажиллах хүмүүс байвал энэ ажлыг хийж эх орноо авраач” гэж хэлээд л огцорно” хэмээн хэлж байна.

Эх сурвалж: Шуурхай.мн