Жил бүрийн 11 сарын 17 буюу өнөөдөр “Олон улсын оюутны эрхийг хамгаалах өдөр” тохиож, дэлхий даяар тэмдэглэн өнгөрүүлж байна.

Энэ өдөр дэлхийн 1000, 1000 оюутан залуус өөрсдийн дуу хоолойгоо нэгтгэж, нийгэмд хүргэдэг. Тэгвэл энэ өдрийн хүрээнд Монгол-Германы хамтарсан Отгонбаяр сан хамтран 1000 оюутны чуулганыг Төрийн ордонд зохион байгуулж байна.

Тус арга хэмжээг Монгол Улсад сурч буй гадаад оюутан, гадаад улсад сурч буй дотоодын оюутан болон гадаад улсад суралцаж мэдлэг боловсролоо дээшлүүлхээр зорьж буй оюутнуудад чиглэн боловсролын үнэ цэнийг мэдрүүлэх, өнөөгийн боловсролын тогтолцоог таниулах, нийгэмд оюутнуудын дунд тулгамдаад байгаа асуудлыг хөндөн тэдэнд ойлгуулах зорилгоор зохион байгуулж байгаа. Мөн төр-оюутан хоёрын харилцаа холбоог сайжруулан тэдний үзэл бодол, дуу хоолойг сонсож, нийгэмд хүргэх, уулзалт хэлэлцүүлэгээс гарч буй санал санаачлагыг төр, олон улсын түвшинд хүргэх зорилгоор тус арга хэмжээг зохион байгуулж байгаа юм.

► Төрийн ордны их танхимд:
• 07:30 – 08:00 Төрийн ордон руу орох бүртгэл явагдана (мандат олгоно)
• 08:00 – 08:15 Нээлтийн үйл ажиллагаа
• 08:15 – 09:00 “Улсын хөгжилд – Оюутны хувь нэмэр” ерөнхийлөгчийн илтгэл
• 09:00 – 09:45 “Монгол – Герман хоёр улсын боловсролын тогтолцоо, хоорондын ялгаа, өнөөгийн байдал, тулгамдаж буй асуудал” илтгэл
• 09:45 – 10:00 Мэндчилгээ
• 10:00 – 11:00 Илтгэл
• 11:00 – 11:30 Бага үдийн завсарлага
• 11:30 – 12:20 Салбар хэлэлцүүлэг – Оюутанд тулгамдаж буй асуудлаар
• 12:20 – 12:50 Нээлттэй хэлэлцүүлэг – Боловсролын салбарынхан
• 12:50 – 13:00 Дурсгалын зураг татуулна